«Մետրոպոլ» հյուրանոցը գտնվում է «Զվարթնոց» միջազգային օդանավակայանից 15 կմ հեռավորության վրա: Այստեղից քայլքով հեշտությամբ կարելի է այցելել առևտրի կենտրոններ, Երևանի բիզնես և մշակութային շրջաններ, բազմաթիվ տեսարժան վայրեր, որոնք տեսնելու համար հյուրեր են ժամանում աշխարհի տարբեր անկյուններից: Այն պետական լիազոր մարմնի կողմից ստացել է 4 աստղ որակավորում: Ընդարձակ, անհատականորեն ձևավորված յուրաքանչյուր սենյակ նրբաճաշակության, շքեղ հարմարավետության և դասականի ինքնատիպ համադրություն է: Այստեղ դասական ինտերիերը բնականորեն համադրված է ժամանակակիցի հետ: Հյուրանոցի ինտերիերը կգնահատեն արվեստի սիրահարներն ու գիտակները, քանի որ հյուրանոցում կա հայտնի արվեստագետների նկարների հիանալի հավաքածու, որը զարդարում է հյուրանոցային համարները և դահլիճները:
Հյուրընկալ և բարյացակամ անձնակազմը, միջազգային սպասարկման բարձր մակարդակը, յուրօրինակ դիզայնը ստեղծում են լիարժեք պայմաններ կատարյալ հանգստի և արդյունավետ աշխատանքի համար, քանի որ այս հյուրանոցը ստեղծվել է և՛ հանգստի, և՛ գործնական նպատակով Հայաստան ժամանած հյուրերի պահանջներին համապատասխանելու համար:
