Նանե հյուրանոցային համալիրը գտնվում է ՝ Գյումրիի կենտրոնական պողոտաներից մեկում: Հյուրանոցի տեղադիրքը իդեալական է բոլորի համար, ովքեր ցանկանում են բացահայտել Գյումրին՝ իր ամբողջ հմայքով և մշակույթով: Նանե հյուրանոցից ընդամենը մի քանի քայլ հեռավորության վրա են գտնվում քաղաքի բազմաթիվ թանգարանները, եկեղեցիները, պատկերասրահները, բիզնես կենտրոնները, ժամանցային և տեսարժան այլ վայրերը:
2011թ. ամբողջությամբ վերանորոգված հյուրանոցը հյուրերին առաջարկում է գեղեցիկ և տպավորիչ ինտերիերով հարմարավետ կահավորված ստանդարտ և լյուքս կարգի համարներ: Իսկ գործնական նպատակով այցելուների համար, հյուրանոցը առաջարկում է ժամանակակից սարքավորումներով ապահովված համաժողովների և գործնական հանդիպումների համար նախատեսված դահլիճ:
Նանե հյուրանոցում՝ Ժամանցի և համեղ ուտեստների սիրահարների համար, «Shara» ռեստորանի, «Di Napoli» Պիցցերիայի և «Le Cafe» սրճարանի հյուրընկալ դռները բաց են: